ተወካይ የወካዩን እማይንቀሳቀስ ንብረት አስይዞ መበደር ስልጣን .... የሠ.መ.ቁ. 17320 / ቅፅ 5 / ላይ እና በመዝገቡ ላይ በኢትዮጵያ ጠበቆች የህግ መፅሄት መግዌ 5 ቁ.2 ላይ በተሰጠው ትችት ላይ የተሰጠ የትችት ትችት .....


ዳንኤል ፍቃዱ / በማንኛውም ፍ.ቤት ጠበቃ / 0913158507/

....

የሰበር ሰሚው ውሳኔ ባጭሩ

ተከራካሪዎች ከታች ፍ.ቤት ጀምሮ ሲከራከሩ የነበሩበት በቤት ላይ የተሰጡ 2 የተለያዩ  ልዩ ውክልናዎች  ሲሆን አንደኛው ውክልና ህጋዊነቱ አልተካደም ሁለተኛው ውክልና ግን የተጭበረበረ ስለመሆኑ ክርክር ቀርቦበታል / በወንጀል ህግ ቁ. 358(1) እሚያስጠይቅ ድርጊት ነው ~ በወንጀል ክስ ስለመቅረቡ የፓሊስ ምርመራ መዝገብ እንደነበር ከመዝገቡ መረዳት ይቻላል /  አከራካሪው ድርጊት ተወካይ የተጭበረበረውን ውክልና ተጠቅመው የወከሉዋቸውን ባልና ሚስት / የተጭበረበረ በተባለው ሁለተኛው ውክልና ላይ ተወካዮች ሁለቱ ሳይሆኑ አንዱ ብቻ ነው/ ንብረት አስይዘው ከባንክ ብድር ተበድረው ለግላቸው ተጠቅመውበታል ፤ ባንኩም ይህን የተጭበረበረ ሰነድ ሳያጣራ አበድሯል፣ በተጨማሪም "ሁለቱም " ውክልናዎች የመሸጥ የመለወጥ እና የማስተዳደርን ስልጣን ለተወካይ ይሰጣሉ እንጂ አስይዞ የመበደር ስልጣን አይሰጡትም የሚሉ ሲሆኑ ። ጉዳዩን የተመለከቱት የመጀመሪያው እና ከፍተኛው ፍ.ቤቶች ባንኩ የወካዮችን ቤት በመያዣነት በመያዝ ብድር የሰጠው በአግባቡ አይደለም በማለት የመያዣ ውሉን ፈራሽ በማድረግ የባለቤትነት ሰነዱን ለወካዮች ይመልስ ሲሉ ወስነዋል። ሰበር ሰሚው ይህን ውሳኔ በመቀልበስ 

1. ሁለተኛው ውክልና የተጭበረበረ ነው የሚለውን ብቻ በመመርመር የተሰጠው ውሳኔ መሰረታዊ የህግ ስህተት ያለበት ነው።

2. ሊታይ እሚገባው ሁለተኛው ውል ሳይሆን የመጀመሪያ /ህጋዊው/ ውል ነው ምክንያቱም እሱም ፀንቶ ባለበት ነው የማስያዣ ውሉ የተደረገው / ምንም እንኳን ባንኩ ጋር የተደረገው የመያዣ ውል በ2ተኛው የተጭበረበረ ውል ቢሆንም /

3. የመጀመሪያ ውል አስይዞ የመበደር ስልጣን ለተወካይ ባይሰጠውም የመሸጥ የመለወጥ መብት ስለሰጠው በፍ/ብ/ህ/ቁ 2206(1) እና 3049(2) መሰረት የማይንቀሳቀስ ንብረት ለመሸጥ ችሎታ ያለው ለራሱ እዳ በዋስትናነት ሊያስይዘው ይችላል ስለሚል የውክልና ውሉን ህጋዊ ውጤት ሰቶታል።

....

ከላይ የተጠቀሰው የህግ መፅሄት ደግሞ ውክልና ጥልቅ በሆነ ቅን ልቦና ከራስ ጥቅም ይልቅ የወካይን ጥቅም በማስቀደም እሚሰራ ተግባር መሆኑን በሰፊው በማተት/ የፍ/ብ/ህ/ቁ. 2208 እና 2209(1) / የይዞታ ማረጋገጫ የሌለው / ተወካይም ቢሆን + በግልፅ ውክልናው ላይ ቢሰፍርም በሚመስል መልኩ / አሲዞ የመበደር ስልጣን የለውም በማለት የፍ/ብ/ህ/ቁ. 1195 እና 1196(ለ)፣ 3051(1) ን በመጥቀስ ሰበር ሰሚው ራሱ መሰረታዊ የህግ ስህተት ሰርቷል ይላል።

....

ሁለቱም አተያዮች ከነቀፋ ነፃ ሆነው አልታዩኝም 

1. የሰበር ሰሚው ሁለተኛውን የተጭበረበረ ውክልና እያየ እንዳላየ ማለፋ እና በመጀመሪያው ውክልና ላይ ብቻ ተንጠልጥሎ የሰጠው ውሳኔ ተገቢ ነት የለውም ። ከዛ ውጪ ግን ሁለተኛው ውል ባይኖር ሰበር ሰሚው የሰጠው ውሳኔ በተወሰነ መልኩ እሚያስማማ ቢሆንም የወካይን ሃሳብ ከግምት ውስጥ ግን ያስገባ አይደለም። ህጉም ትልቁን የመሸጥ ስልጣን ከሰጠህ አስይዞ መበደርንማ አትከለክልም እሚል ይመስላል።

2. የህግ መፅሄቱ የይዞታ ማረጋገጫ የሌለው / ተወካይም ቢሆን/ አስይዞ የመበደር ስልጣን የለውም በሚል ድምዳሜ ላይ መድረሱ  ህጉን የውል ህግ መሰረታዊ ሃሳብን ፣ የውክልና ህግ መርህን እና ስለማይንቀሳቀስ ንብረት መያዣ እና ስለብወለድ አገድ የተገለፁትን የፍታብሄር ህጉን ክፍሎች ባግባቡ ያገናዘበ አይደለም።

3. የታች ፍ.ቤት እና ከፍተኛው ፍ.ቤት ሁለተኛው የውክልና ህግ የተጭበረበረ ነው በማለት ውጤት እንዳይኖረው ማድረጋቸው የተሻለ ህጋዊ ውሳኔ ነው።

Comments

Post a Comment

Popular posts from this blog

የአጣሪ ዳኝነት ሚና በአስተዳደር ህግ

Image
  Ethiopian law by Daniel Fikadu Search SKIP TO CONTENT የአጣሪ ዳኝነት ምንነት እና ህገ መንግስታዊ ፋይዳውየአጣሪ ዳኝነት (Judicial Review) ትርጓሜ ከህገ መንግስት ወይም ከአስተዳደር ህግ አንጻር ሊቃኝ ይችላል፡፡ በህገ መንግስታዊነት ማዕቀፍ አጣሪ ዳኝነት ማለት በህግ አውጭው የሚወጡ ህጐች ህገ መንግስታዊ ባለመሆናቸው በመደበኛ ፍ/ቤት፣ በህገ መንግስታዊ ፍ/ቤት ወይም በሌላ ራሱን የቻለ ተቋም አማካይነት የሚሻሩበት ስርዓት ነው፡፡a በአስተዳደር ህግ ውስጥ አጣሪ ዳኝነት ማለት በህግ አስፈፃሚው ወይም በአስተዳደር መ/ቤቶች የሚወሰዱ ውሳኔዎች፣ የሚፈጸሙ ድርጊቶች እና በውክልና የሚወጡ ደንቦችና መመሪያዎች ህጋዊነት በመደበኛ ፍርድ ቤት የሚጣራበት ስርዓት ነው፡፡b ምንም እንኳን በህገ መንግስታዊነት እና በህጋዊነት መካከል ጥርት ያለ መለያ መስመር ማበጀት አዳጋች ቢሆንም የዚህ መጽሐፍ በተለይም የዚህ ምዕራፍ ወሰን ህገ መንግስታዊ አጣሪ ዳኝነትን አያካትትም፡፡የአጣሪ ዳኝነትን ፅንሰ ሀሳብ በሚገባ ለመረዳት እንዲያስችለን በመስኩ ምሁራን የተሰጡ ሁለት ትርጓሜዎችን እንጠቅሳለን፡፡ በእንግሊዝ አጣሪ ዳኝነት ማለት በህግ ስልጣን የተሰጣቸው አካላት ስልጣናቸውን በመገልገል የሚፈጽሙት ድርጊት ወይም አልድርጊት (inaction) በከፍተኛው ፍርድ ቤት የሚጣራበት ስርዓት ነው፡፡Judicial review can be defined as the procedure through which the High Court supervises the public law actions and inactions of public authorities and other bodies that are exercising statutory powers, performing public duties, and/
Read more

በመከላከያ ሰራዊት አባላት ላይ የሚቀርብ ክስን ማየት ስልጣን ያለው ማነው? በዳንኤል ፍቃዱ ( ጠበቃ እና የህግ አማካሪ)

      በወታደራዊ አካሉ ላይ ጥቃት ፈፅመዋል ፣ የሃገር ክህደት ወንጀል ፈፅመዋል ተብለው የተጠረጠሩ ከፍተኛ መኮንኖች ላይ በፌደራል መጀመሪያ ደረጃ ፍርድ ቤት የምርመራ መዝገብ መከፈቱን ተከትሎ ፣ እነዴት ወታደር በመደበኛ ፍርድ ቤት ጉዳዩ ይታያል በሚል ስልጣን ጥያቄ እና በፍትህ ስርአቱ ላይ ትችት ሲሰነዘር ተመልክተናል፡፡ በዚህ አጭር ፅሁፍ ጠቅለል ባለ መልኩ በመከላከያ ሰራዊት አባላት ላይ የሚቀርብ ክስን ማየት ስልጣን ያለው ማነው? የሚለውን ለመዳሰስ ተሞክሯል::       ፍርድ ቤቶች በህግ የሚቋቋሙ እንደመሆናቸው የዳኝነት ስልጣናቸው ከህግ ይመነጫል፡፡ በአንድ ፍርድ ቤት የቀረበ ጉዳይ የክስ ምክንያት አለው ብሎ ለመወሰን የሚቻለው በክሱ ላይ የተገለፀው ነገር ቢረጋገጥ ከሳሹ የጠየቀውን ዳኝነት ለማግኘት ህግ ይፈቅድለታል ወይ? የሚለው ጥያቄ ሲነሳ ጉዳዩ የቀረበለት ፍርድ ቤት አወንታዊ ምላሽ መስጠት የሚችል መሆን ይኖርበታል፡፡       ከዚህ እንግዲ መረዳት የሚቻለው የማንኛውም ፍርድ ቤት ጉዳይን ተመልክቶ የመውሰን ስልጣን በህግ ተወስኖ የተሰጠ ወይም የሚሰጥ መሆኑን ነው፡፡ በኢትዮጵያ ህግ ፍርድ ቤቶች ተፈጥሯዊ ስልጣን (Natural/inherent power) በህግ በሚታዩ ጉዳዮች (Justiciable matters) ላይ የላቸውም የሚለው ሃሳብ አከራካሪነቱ እንዳለ ቢሆንም በዙ ባለሙያዎች የሚስማሙበት ነው፡፡( በጉዳዩ ላይ ከዚህ ቀደም በቀድሞ ገፃች  https://m.facebook.com/groups/1607340246185508/?ref=bookmarks  ወይምhttps://m.facebook.com/Ethiopian-law-by-Daniel-Fikadu-law-office-510394779106487/?ref=bookmarks የፃፍከት ሰፋ ያለ ፅሁፍ ስላለ ፈልጋችሁ ተመልከቱት)ወታ
Read more